Makamu wa Rais Sudan Kusini, Riek Machar na mkewe wapatwa na coronavirus

- Riek Machar alikuwa mwanachama wa jopo la kukabiliana na COVID-19 na kikosi hicho kilipimwa Mei 13

- Makamu huyo wa rais, mkewe Angelina Teny na baadhi ya wafanyakazi wake wengine waligunduliwa kuwa na virusi hivyo

- Japo wangali katika hali nzuri kiafya, wamepelekwa karantini kwa siku 14

Makamu wa Rais Sudan Kusini, Riek Machar na mke wake Angelina Teny wamepatikana na virusi hatari vya corona.

Katika taarifa iliyotolewa na Katibu wake wa Mawasiliano, Gatdet Dak, Jumatatu, Mei 19, baadhi ya wafanyakazi wake pia walipatwa na virusi hivyo na wamepelekwa katika karantini ya lazima.

Habari Nyingine: Magazeti ya Jumanne, Mei 19: Uhuru kumkabithi Raila wadhifa kubwa serikalini

Habari Nyingine: Mwili wa afisa aliyezama katika Mto Pesi umepatikana

Machar alikuwa mwanachama wa jopo la kukabiliana na COVID-19 na aligunduliwa kuwa na virusi hivyo baada ya kikosi hicho kupimwa Mei 13

"Haya yanakujia kutokana na vipimo vilivyofanyiwa wanachama mnamo Jumatano. Sehemu ya wanachama wa jopo hilo pia wana virusi," ilisoma taarifa hiyo.

Machar alisema atajifanyia karantini katika makazi yake kwa siku 14 na mwanachama mwingine ambaye alipatwa na virusi hivyo.

"Yuko buheri wa afya na pia kuthibitishwa na daktari," alisema Gatek.

Taifa hilo lina zaidi ya visa 290 vya COVID-19 vilivyothibitishwa huku wanne wakifariki na wengine wanne wakipata nafuu.

Wiki jana maafisa wa afya waliripoti visa vya COVID-19 katika kambi moja nje ya Juba, na kuzua hofu kuwa ugonjwa huo utatiza umati huo.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjaoR4gZBmpJqjkaK8bsPAZqmaoaNiwLawwKdkpK2jnruqedGinKRlnZawqa3RZqWaZZ2gsrixjLCYqZmkrK5uusBmmqiqn6Out7XRrqpnoKSiuQ%3D%3D